اول مجزرة شوفتها في حياتى
اول مجزرة شوفتها بعيني
وأول صدمه في حياتى في مصر
كنت شغال في المهندسين في ميدان مصطفى محمود بمنزل بسقالات من السقف ننضف الواجهة و الزجاج و بنعلق زينه و إعلانات يوم جمعه الفجر و كان فاضل يومين علي رأس السنة الجديدة 2006 ، يعنى كنا اخر يومين في 2005 ، بنجهز العدة و السقاله و بنفطر فوق السطح و فجأة سمعنا ضرب رصاص حى و رشاشات مياه و غاز و خرطوش و ضرب بالشوم ، و البلطجية اتلموا معاهم
الشرطه حاصرت الميدان و فضلت تضرب نار علي السودانيين الي كانوا معتصمين في الميدان ، و كان معاهم ناس كبيرة في السن و أطفال و رضع و كان أغلبهم نايمين
بعد الفض كان مات فوق ال 50 واحد شايفهم خرقانين في دمهم فيهم رضع وفيهم اطفال و ستات شباب و عواجيز
بعد كدة سابوا البلطجية تنهبهم والي لسه صباحى يضربوه علي رجليه و يعجزوة
البلطجية فضلوا يسرقوا الناس الي وقعت و الي ماتت و كانت أول مرة اشوف احد يقطع صباع حد علشان ياخد خاتم
كنت فاكرها في الافلام بس
شال جثه عيل صغير من رجله رماها بعيد علشان يسرق جثة أمه الي ميت علي صدرها
من بعدها اى حاجه تحصل و اى حد يموت ما بقاش يأثر فيا
حسيت انى مشاعري ماتت من بعد اليوم ده
ما شوفتش رابعة و الي حصل فيها ولا عمرى حتى رحت هناك بس يوم الفض نزلت جري علي هناك مع ناس كتير في الشوارع لما سمعت الخبر في التلفزيون الصبح مشينا لحد غمرة و مشينا شارع رمسغكله لحد نادى السكه
وهناك كان في ضرب نار شديد يمنع الناس تكمل
شوفت عربية مدرعة وقعت من فوق الكوبري قصادنا في الشارع شوفت عواميد الكوبري و حيطان البيوت مدمرة من طلقات الجرينوف
شوفت ناس راسها مفقود نصها و المخ طالع ، سوفت ناس طلقه دخلت عينه و خارجه من دماغه و دماغة متصفية
شيلنا جثث كتير و اتقبض علي ناس كتير و رجعت من شوارع جانبية لحد ما وصل الضاهر لقيت الأهالي من العباسية لحد غمرة بيهاجموا الي راجعين و يضربوهم و شوفت الي ضرب سكينه في بطن واحد عند الكاتدرائية
يومها خرجت من البيت 9 صباحاً رجعت 2 بالليل مش عارف عدى اليوم ازاى
بعدها رحنا ميدان رمسيس كان أول جمعه بعد الفض نفس إلى حصل ضرب نار و جرينوف و لحد دلوقتي بعدة من تحت كوبري اكتوبر اشوف أعمدة الكوبري فيها اثر ضرب الرصاص الي كان من عند قسم شرطه الأزبكية اتجاه الميدان جنب مبنى السكة الحديد الي بيتهد دلوقتي