إمتنعوا عن تنفيذ الأوامر يوم المذبحة - شهادة من داخل المعتقل
السلام عليكم
دي شهادتي وأنا كنت معتقل سابق في قضية مجزرة رابعة
بكلمك بخصوص الضباط والعساكر اللي امتنعوا عن تنفيذ الآوامر
طبعا احنا إعتقلنا يوم مجزرة رابعة تم إعتقالنا من اللي اطلقوا عليها إسم الممرات الآمنة مع 739 فرد ودول معتقلي فض رابعة
طبعا إعتقلنا وراحوا بينا علي الصالة المغطاه ومن الصالة المغطاه تم توزيع الجميع علي الأقسام بحجة إننا هنروحكم من الأقسام وتم إحتجازنا في الأقسام لمدة من 3 الي 4 ايام وتم عرضنا علي النيابة
بعدها فجراً إتفيشنا وتم ترحيلنا علي السجن الحربي وتم احتجازنا في المكان اللي العساكر كانوا بيقضوا فيه حوائجهم وكان مليان صراصير وبلاوي ونضفناه واتعاملنا
بعدها بيوم بعد صلاة العشاء بساعة بنبص لقينا عساكر وظباط مكلبشين عساكر وظباط زيهم وبيهنوهم بمعني الكلمة ارفص ايدك في دماغك وشك للأرض نام علي الأرض بأقبح الالفاظ ودخلوهم العنبر اللي جمبنا
جات مجموعة من القوات الخاصه او ال777 بعدها بساعة علي ما أظن عيال جتت ادولهم علقة موت
حاولت أفهم من حد منهم بعدها مين إنتوا وإي قصتكم لأن اللي يعرف السجن الحربي يعرف انه عنابر بجوار بعض وقدامه ساحه كبيرة
فقال إمتنعنا عن تنفيذ الآوامر يوم الفض
وبعدها بيوم جات قوات خدتهم هل مخابرات هل امن دولة معرفش
ومن يومها المجموعة المعتقلين من ظباط وعساكر جيش وشرطة وليسوا بالقليل محدش يعرف عنهم أي حاجة حتي الآن
الله أعلم خلصوا عليهم وبعتوهم علي المشرحة علي اساس إنهم ماتوا في رابعة ولا حابسينهم معرفش